Keyfiyyətə Nəzarət departamenti tərəfindən maarifləndirici təlim keçirilib

23 sentyabr, 2 və 9 oktyabr tarixlərində Keyfiyyətə Nəzarət departamentinin müdiri Rəsul Şıxmuradov tərəfindən İSO 9001-2015 beynəlxalq standartın tələbləri üzrə maarifləndirici təlim keçirilmişdir.

Təlimdə standartın təşkilatda tətbiqinin əhəmiyyəti, prinsipləri, keyfiyyət idarəetmə sisteminin planlaşdırılması, standartın strukturunun ümumiləşdirilmiş izahı, müştəri məmnuniyyətinin ölçülməsi və artırılması alətləri və s. haqda məlumat verilmişdir.

Standartın vacibliyinin daha da anlaşılması üçün təlim qarşılıqlı fikir mübadiləsi formatında keçirilmişdir.

Sonda təlimin effektivliyinin ölçülməsi üçün təlim iştirakçılarına sual vərəqəsi təqdim edilmişdir.