“METAK” məzun-karyera sərgilərinin iştirakçısıdır

İnsan Resursları departamentinin İşə qəbul və karyera planlaması şöbəsi aprelin 26-da Azərbaycan Memarlıq və İnşaat Universitetində (AzMİU), mayın 6-da ADA universitetində, mayın 21-də isə Azərbaycan Dövlət Neft və Sənaye Universitetində (ADNSU) keçirilmiş məzun-karyera sərgilərində iştirak etmişdir. Qeyd edək ki, şirkətimizin stendi tələbələrin böyük marağına səbəb olmuşdur. Müxtəlif ixtisaslar üzrə (informasiya texnologiyaları, proqlamlaşdırma, mexanika, avtomatika, kimya mühəndisliyi və s.) təhsil alan və təhsilini bitirmək üzrə olan tələbələr şirkətimizdə iş və təcrübə proqramları imkanları ilə maraqlanmışlar. Sərgi zamanı əməkdaşlarımız şirkətin fəaliyyəti, əsas dəyərləri və işə qəbul qaydaları barədə tələbələrə ətraflı məlumat vermişlər.

Həmçinin hal-hazırda ADNSU-nin “Mexanika mühəndisliyi” fakültəsinin 14 tələbəsi, və 8 saylı Bakı Peşə Liseyinin 5 tələbəsi şirkətimizdə istehsalat təcrübəsi keçməkdədir.