METAK “Caspian Agro 16-ci Yubiley Azərbaycan Beynəlxalq Kənd təsərrüfatı” sərgisində iştirak etdi

Bakı Ekspo Mərkəzində “Caspian Agro 15-ci Yubiley Azərbaycan Beynəlxalq Kənd təsərrüfatı” sərgisi öz işini başa çatdırdı. Sərgi rekord sayda milli və regional stendi bir araya gətirib.

Bu sərgi kənd təsərrüfatı sənayesinin əsas nümayəndələrini, yerli və xarici ekspertləri, idxalçıları, distribyutorları, topdan və pərakəndə ticarət nümayəndələrini bir platformada birləşdirmişdir. Ölkənin hər yerindən buraya fermerlər, sahibkarlar, biznes rəhbərləri gəlir, onların çoxu bu cür mühüm və faydalı sərgini hər il ziyarət edir. Məhz burada iş adamları nəinki bir-birilə təcrübə mübadiləsi aparır, həm də yeni bitki və heyvanları mühafizə vasitələri, suvarma sistemləri, istixana avadanlığı, mineral gübrələr, qarışıqlar və daha çox şeylə tanış olurlar.