METAK şirkəti ölkəmizdə keçirilən ilk triatlon çempionatının rəsmi sponsoru oldu

Oktyabrın 6-da Azərbaycan Respublikası Gənclər və İdman Nazirliyinin dəstəyi, Azərbaycan Triatlon Federasiyasının təşkilatçılığı ilə həvəskarlar arasında ilk turnir ― “Baku Triatlon 2019” keçirilib.

Triatlon olimpiya idman növüdür, üç mərhələnin (üzgüçülük, velosiped sürmə və qaçış) ardıcıl və fasiləsiz keçilməsindən ibarət yarışdır. Mövcud olan 20-yə yaxın məsafə növü arasında ən populyar 5150, IRONMAN 70.3 və IRONMAN məsafələridir.

Əsas məqsədi triatlonun ölkəmizdə tanınması və inkişafı olan tədbirin sponsorları arasında “METAK” şirkəti də yer almışdır. İdmanı və sağlam həyat tərzini təbliğ edən “METAK” bu cür yarışlara hər zaman dəstək olmağa çalışır.

Yarış Avropa Oyunları Parkında sprint məsafəsi üzrə baş tutub. Yarışı 0,5 kilometr məsafəyə üzməklə başlayan iştirakçılar, velosipedlə 20 kilometr qət etməklə davam etmiş və 5 kilometr qaçışla tamamlamışlar.